CAGAYAN DE ORO CITY – Patay ang caretaker sa warehouse sa Gothong human mahulog sa punuan sa kahoy nga talisay sa Gaabucayan St. ning syudad.
Giila ang biktima nga si Elmer Agbalog, 53-anyos, lumad nga taga Bukidnon apan temporaryong nagpuyo sa maong dapit.
Sumala sa security guard sa maong warehouse nga si Allan Gumaling nga mikatkat sa maong punuan si Agbalog aron manguhag dahon alang sa bahog sa kanding ug posibleng migunit kini sa patay nga sanga nga nagresulta sa iyang pagkahulog.
Dugang ni Gumaling nga nagkulob na ang biktima dihang iyang nakita ug wala nay kinabuhi.
