CAGAYAN DE ORO CITY-Gipusil-patay sa bodyguard sa negosyanteng Maranao ang land caretaker samtang gikan nag-inom sa Brgy Igpit, Opol,Misamis Oriental.
Giila ni Opol Police Station commander Sr/Insp Dennis Flores ang biktima nga si Arsenio Naalyatan,hingkod ang panuigon,minyo ug nagpuyo sa maong lugar.
Gipangita usab sa kapolisan ang suspek nga si Rolly Paredes,43 anyos kinsa gilayong misibat human pusila gamit ang 9mm pistol ang biktima.
Nakaangkon sa igo sa agtang,ilong ug lawas ang biktima hinungdang dead on arrival nadala sa Northern Mindanao Medical Center.
Gikustodiya usab ang kaipon ni Paredes nga si Melody Campus ug higala nga si Joel Matura samtang nagpadayon ang police investigation.
