CAGAYAN DE ORO CITY-Posibleng dili makasuhan ang driver nga nag-maneho sa cargo truck nga unang gibanggaan sa motorsiklo diin nagresulta sa duha ka lalaki ang patay samtang laing duha ka babaye ang samaron sa Brgy Duka,Medina,Misamis Oriental sa miaging kadlawon.
Kini tungod kay unang nagpahimutang sa early warning device ang driver nga si Richard Dacop aron makabantay ang ubang motorsita nga nakasinati sa mechanical defect ang gimaneho niining sakyanan.
Si SPO2 Felix Espejo sa Medina Police Station miingon nga patay sa maong aksidente sila si Arviz Puego ug Randy Namuag tungod sa kakusog sa impact sa bangga.
Nadala usab sa Northern Mindanao Medical Center sila si namae Atienza ug Shanty Endat nga nagpuyo sa maong lungsod.
Nasuta nga nakainom ang driver sa motorsiklo nga si Puego atol sa aksidente.
