PARIS– Dismayado si Tokyo 2020 Olympain boxer Carlo Paalam nga taga- Cagayan de Oro sa resulta sa away vs Australian boxer Charlie Senior sa ilang 57kg catchweight sa quarterfinals sa Paris Olympics.
Sa interbyu human sa away, namahayag si Carlo nga tanang rounds iyang nakuha ug mga solido ang mga kinomo nga nabuhian niini kontra Ostrilyano rason nga angay unta ilugwa ang ensaktong midaug.
Una nang nagtoo ang kadaghanan nga si Carlo ang midaug ug dili si Senior sa maong away.
Nangayog pasensiya si Carlo nga wala nahatag niini sa Pilipinas ang medalyang bulawan.
Nagpasalamat kini sa mga pag-ampo ug suporta sa Paris Olympics.
Mo-relaks una si Carlo kuyog sa iyang pamilya ug magplano kon moaway pa ba o dili na sa sunod Olympics nga himoon sa Ametika.
Hisayrang gatos-anyos nga pabiling idlas ang medalyang bulawan sa Pilipinas sa boksing sukad pa tuig 1924.
