CAGAYAN DE ORO CITY – Nagpakitang gilas si Pinoy Gymnast Carlos Yulo sa duha ka pet events sa men’s gymnastics individual qualification sa 2024 Paris Olympics sa Bercy Arena.
Kaganinang kadlawon, milanding sa provisionary second spot ang 24-anyos na Filipino gymnast alang sa iyang paboritong floor exercise, ug mitala sa 14.766 puntos.
Maoy nangulo sa floor exercise si Jake Jarman sa Great Britain, mitala sa 14.966 puntos.
Sa pikas bahin, nakasulod gihapon si Yulo sa final round sa Gymnastics Vault, human kini milanding sa provisionry 6th spot.
Sa pagkutlo ning balita, ana sa ika-walo nga puwesto si Yulo alang sa all-around ranking, human milangob kini sa 24 ka players nga mi-abante sa final stage.
Taliwala niini, nagkalisud gihapon si Yulo sa pommel horse (13.066), rings (13.000), parallel bars (14.533), ug horizontal bar (13.466) hinungdan ng dili siya makaabante sa katapusang hugna sa upat ka mga apparatus.
