Nakabalik sa pamilyar nga entablado si Filipino gymnast Carlos Yulo ug nakadaog og gold medal isip kabahin sa Olympique Antibes-Juan-les-Pins Gymnastique sa French Men’s Artistic Gymnastics Top 12 Final sa Amiens, France.
Matod sa report, nakatabang si Yulo sa pagpanguna sa iyang team aron mabuntog ang ASVG Vallauris ug makuha ang kampeonato sa maong kompetisyon.
Gipakita niya ang kusog ug kalidad sa iyang performance human siya nakakuha og 14.250 points sa parallel bars ug 15.050 points sa floor exercise.
Ang Top 12 nga kompetisyon giila isip pinakataas nga club gymnastics event sa France nga nagtapok sa 12 ka best teams sa nasod.
Giingon usab nga espesyal para kang Yulo ang France tungod kay didto niya nakab-ot ang iyang historic double gold medal sa 2024 Paris Olympics.
