CAGAYAN DE ORO CITY – Nakit-an na apan patay na ang empleyado sa brgy hall sa Carmen ning syudad nga unang milukso sa Macasandig-Balulang Bridge sa miaging adlaw’ ng Lunes.
Giila ni Nazareth Police Station commander Police Capt. Byron John Ratunil ang biktima nga si Bernie Pacquiao,30 anyos nga residente sa Brgy Carmen ning syudad.
Nakit-an ang patay’ng lawas sa biktima nga naglutaw-lutaw na lang sa dagat nga sakop sa Brgy Bonbon sa dakbayan.
Una nang gibutyag ni Ratunil nga nalipat lang sila’g gamay pagbantay sa maong tulay ug nakahigayon sa paglukso ang biktima sa wala matino nga hinungdan.
Hisayrang una nang gimando ni City Mayor Rolando ‘Klarex’ Uy nga pabantayan ang mga tulay kay dili na gusto niini masundan ang sunod-sunod nga pagpalukso sa mga batan-on diha sa Maharlika Bridge ning syudad sa miaging mga bulan.
