CAGAYAN DE ORO CITY – Nakatabang pag-recover sa kinawat nga sakyanan ang gipatuman nga overlapping checkpoint sa kapolisan sa lungsod sa Libertad,Misamis Oriental.
Kini human unang nasundan sa mga operatiba sa Agora Police Station sa Cagayan de Oro City Police Office ang Toyota Hi-Ace van nga unang nataho nga gikawat pasulod sa westeng bahin sa lalawigan.
Miingon si Police Regional Office 10 Director Brig Gen Jaysen De Guzman nga tungod sa kamanduan sa checkpoint nasugaw ang carnapper pag-abot sa sentro sa Libertad rason nga natigayon ang ginukdanay.
Nagresulta sa aksidente kay nabanggaan sa van ang passenger bus hinungdang napugos kini pagsibat sa wala na matino nga direksyon.
Nasuta nga ang maong sakyanan ang rehistrado sa tag-iya nga taga-Cebu City.
Hinoon,walay naangol sa panagbangga sa van ug bus.
Dumduman nga mando ni De Guzman ang overlapping checkpoints kay epektibo kini sa pagsumpo sa kreminalidad.
