CAGAYAN DE ORO CITY – Gipangita sa kapolisan ang suspek nga responsable sa ngilngig nga pagpatay sa empleyado sa car wash services sa Purok San Miguel,Brgy Tubod,Iligan City.
Gilila ni Police Staff Sgt Jelmar Namuwag,imbestigador sa Iligan City Police Office Station 4 ang namatay’ng biktima nga si Jason Socorro,27 anyos,may kaipon ug naila usab nga si Ginalyn Ambalong,25 anyos nga nagpuyo sa maong lugar.
Gibutyag ni Namuwag nga daan nang dunay panagbikil ang biktima ug suspek nga si Ramil Gabonales nga taga-Lala,Lanao del Norte gumikan lamang sa kuwentas ug celphone nga isyu.
Nagusbat ang dagway sa biktima human martilyuha sa misibat nga suspek ug dili pa igo,giapil usab niini si Ambalong nga walo ka bulan nga mabdos ug kasamtangang nadala sa ospital sa maong lugar.
