CAGAYAN DE ORO CITY – Gikonsiderar na sa PNP nga ‘case cleared’ ang dugu-ong aksidente nga unang gikamatay sa 11 ka tawo diha sa Brgy Baliwagan,Balingasag,Misamis Oriental.
Gikompirmar ni Balingasag Police Station commander Maj Teodoro De Oro nga nakasuhan sa mga tagtungod ang truck driver nga si Junrie Cagmat nunot sa pagkadisgrasya sa sakyanan diin sakay ang mga biktima gikan Claveria ug padulong unta sa Lagonglong sa miaging semana.
Gibutyag ni De Oro nga hulaton na lamang nila ang paggawas sa warrant of arrest gikan sa korte aron pormal nga sikupon ang driver.
Una nang nawad-an sa preno ang trak hinungdan sa pagkayabo niini ug daghan ang nangamatay.
