CAGAYAN DE ORO CITY-Gihulatan na karon sa mga miembro sa konseho ang pagtuki sa proposal sa Limketkai & Sons Incorporated nga motukod sa casino sa syudad.
Kini human giporma na ni City Vice Mayor Rainer Joaquin ‘Kikang’ Uy ang committee of the whole aron dungan nga tukion ang sugyot aron masuta kon angay o dili hataga’g pagtugot sa dakbayan.
Gibutyag ni City Coun George Goking nga tanang miembro sa konseho ang mohisgot niini diin ipaubos sa paggisa ang representante sa Limketkai ug ang grupo sa mga supak sa katukuran sa casino.
Hisayrang kadaghanan sa mga konsehal ang giingong uyon sa katukuran sa casino sa syudad.
