Todo depensa ang Palasyo aron luwason ang kredibilidad ug administrasyon ni Presidente Ferdinand Marcos, Jr sa mga pagsaway ni Vice President Sara Duterte kalabot sa lapad nga kurapsyon, luya nga ekonomiya ug palpak nga mga flood control projects.
Inay tubagon ang isyu, gisumbalikan ni Palace Press Officer Atty Castro ang mga pagsaway sa bise presidente gamit ang mga props.
Gipakita ni Castro ang iyang gi-imprinta nga newspaper clippings nga nag-ingong niadto pang 2018 mipalpak ang nga flood control sa Pilipinas ubos sa Administrasyon ni kanhi Presidente Rodrigo Duterte.
Miingon si Castro nga dugay ra gibasol sa katawhan ang walay pagpakabana ni Duterte panahon nga muigo ang kalamidad.
Hisayran nga makadaghan nang higayon gipamugos ni Castro nga dili ipahid sa kasamtangang gobyerno ang mga kapalpakan sa a imprastraktura karon kay kasagaran niini natukod sa naglabay nga administrasyon.
