CAGAYAN DE ORO CITY – Nagpamatu-od nga ensakto ang sumbong sa kagamhanan batok kanila ni ACT Teachers partylist Rep. France Castro;kanhi Bayan Muna partylist Rep. Satur Ocampo ug pipila ka kauban sa 14 ka bata nga sakop sa tribung Talaingod sa Davao del Norte tuig 2018.
Kini ang reaksyon sa Philippine Army human kombiktoha sa kasong kriminal ang 13 akusado sa Tagum Regional Trial Court Branch 2 nga gilugwa kagahapon adlawa.
Namahayag si Philippine Army spokesperson Col Louie Dema-ala nga miagi sa patas nga pagdungog ang kasong Special Protection of Children Against Abuse, Exploitation and Discrimination Act sa korte rason palusot na lang ang gihimong pagbatikos sa mga akusado.
Una nang gipatoo nila ni Castro ug Ocampo nga ilang gi-rescue ang mga biktima apan sukwahi kini sa mga testimonya ug mga ebedensiya nga nahuptan sa korte.
Bilangguon sulod sa upat ngadto unom ka tuig ang mga konbiktado ug bayran ang civil indemnity ingon man moral damages sa mga biktima.
Sa pikas bahin, gika-dismaya sa duruha ang hukom sa korte.
Namahayag si Castro nga imbis nga sila pa ang mitabang,apan giipit na hinoon sila dili makiangayon nga desisyon sa korte kabahin sa maong isyu.
