Isolated ug walay hanaw si Palace Press Officer Atty Claire Castro sa tinood nga panghitabo sa Malacanang, dihang nagbansiwag ang iyang pahayag nga gahulat pa sa emergency powers si Presidente Ferdinand Marcos Jr, bisan nadawat na ni Marcos ang gahum nga gihatag kaniya sa mga magbabalaod.
Gawas niini, naulahi usab sa impormasyon si Castro dihang iyang gisulti nga kamulo pa ang draft sa gimugna nga National State of Energy Emergency, bisan nahuman na kini ug napasa sa mga magbabalaod sa presidente.
Kini ang pagsaway sa ekonomista ug kanhi hepe sa Oro Chamber Economic Development Committee RDC-10 Ray Talimio Jr.
Kumbinsido si Talimio nga gipasagdan lang si Castro nga magputak-putak kay nagsilbin na kining attack dog ni Marcos kun ugaling adunay nga isyu batok kaniya.
Tungod sa pahayag ni Castro, nakahatag kinig kalibog sa publiko ug siya nanawagan sa mas sihag, tukma nga impormasyon kay siya man ang tigpamaba sa presidente
