Lig-on ug magkahiusa ang pamilya kon anaa ang inahan nga nag-atiman ug naggiya sa matag miyembro sa panimalay.
Kini maoy gipasabot ni Wilson Amad, usa ka catechist, atol sa iyang mensahe sa pagsaulog sa Mother’s Day kagahapong adlawa ug sa importansya sa papel sa mga inahan sulod sa pamilya.
Sumala ni Amad, kasagarang maglisod ug magkabungkag ang pamilya kon mawala o mobiya ang inahan tungod kay sila maoy nagkupot sa panaghiusa ug pag-amuma sa mga anak.
Iyang gilaraw nga bisan sa lisod nga sitwasyon, daghang inahan ang magpabiling andam mosakripisyo aron masiguro ang kaayohan ug kaugmaon sa ilang mga anak.
Dugang pa niya, giaghat ang mga anak nga dili himuong ordinaryo ang sakripisyo sa ilang mga inahan ug ipakita ang gugma ug pagrespeto samtang anaa pa sila kauban sa pamilya.
Gitataw usab ni Amad nga daghang mga anak ang makaamgo lamang sa dakong bili sa inahan kon mawala na kini, busa angay silang tagaan og importansya matag adlaw ug dili lamang panahon sa Mother’s Day.
