Mipasidaan ang Coalition Against Trafficking in Women Asia Pacific o CATW-AP sa pahayag ni kanhi National Security Adviser ug Secretary of National Defense Norberto Gonzales diin miingon siya nga dapat sa Pilipinas kasohan ang mga co-perpetrators sa kampo ni Rodrigo Duterte.
Sumala ni Jean Enriquez, director sa CATW-AP, gibuhat na sa ilang grupo ang legal nga aksyon sa daghang higayon samtang presidente pa si Duterte.
Apan saksi ang CATW-AP sa kawalay pag-uswag sa hustisya sa administrasyon ni Duterte tungod kay daghan ang nahadlok sa kanhing pangulo kaniadto.Matod pa sa grupo, bisan pa man sa paggawas sa pangalan sa mga co-perpetrators ni Duterte, dili sila kontento sa listahan tungod kay daghan pa ang wala malakip.
Gipunting sa CATW-AP ang importansya sa International Criminal Court, kay kung magamit na ang tanang domestic remedies sa nasud ug wala gihapoy aksyon ang gobyerno, mao kini ang rason nga gadawat na ang ICC sa mga kaso alang sa hustisya sa mga biktima sa crimes against humanity. (James Oliver)
