NAGPAKITA OG KALIPAY ang Coalition Against Trafficking in Women Asia Pacific o CATW-AP ug uban pang civil society groups sa kalambuan sa kasong crimes against humanity nga giatubang sa kampo ni Rodrigo Duterte sa International Criminal Court.Sumala sa executive director sa CATW-AP nga si Jean Enriquez, pabor sa mga biktima ang nahimong desisyon sa ICC ilabi na sa pagngalan sa mga giingong co-perpetrators sa maong kaso.
Matod pa niya, ang maong pagngalan gikonsidera nga pinal ug dili na mahimong usbon, nga nagpasabot nga madayun ang mga sunod nga hearing ug diskusyon sa umaabot nga semana.
Giingon ni Enriquez nga ang kalihukan usa ka lakang padulong sa hustisya alang sa mga biktima nga dugay nang naghulat og accountability.
Dugang pa niya, ang pagpadayon sa proseso sa ICC naghatag og paglaum nga adunay matubag sa mga alegasyon nga gipahamtang batok sa mga responsable sa giingong mga paglapas. (James Oliver)
