Wala na matingala ang Coalition Against Trafficking in Women‑Asia Pacific (CATW‑AP) sa pag‑withdraw ni Atty. Nicholas Kaufman isip lead counsel sa kampo ni kanhi Presidente Rodrigo Duterte.
Sumala ni Jean Enriquez, founding convenor sa CATW‑AP, gilantaw sa kampo sa mga biktima sa extrajudicial killings ang maong hitabo isip kalamboan sa padayon nga pag‑usisa sa kaso sa International Criminal Court (ICC).
Butyag niya nga dili na ikatingala ang maong panghitabo kay nagpakita kini og kahimtang sa kampo nga naglisod sa ilang legal nga depensa.
Dugang pa niya, giila usab kini isip positibong kalamboan alang sa mga biktima sa EJK nga nagpadayon sa pagpanawagan og hustisya.
Giingon usab ni Enriquez nga ang naunang mga argumento sa depensa giisip nilang kulang ug adunay mga isyu sa pagsunod sa court rules, ilabina sa paghisgot sa mga ngalan sa witnesses.
Busa alang sa grupo, maghulat sila kung kinsa ang mopuli ug ila gihapon susihon ang kredibilidad ug abilidad sa bag‑ong counsel nga itudlo sa kaso.
