Gitudlo ni Senate President Alan Peter Cayetano ang National Bureau of Investigation (NBI) isip labing responsable sa nahitabong tensyon ug pag-pamusil sa Senado niadtong Miyerkules, Mayo 13, 2026.
Giprangkahan ni Cayetano nga namakak si NBI Director Atty. Melvin Matibag sa iyang mga pamahayag ngadto sa publiko ug bisan ngadto kang Presidente Ferdinand Marcos Jr kalabot sa tinuod nga operasyon sa ahensya nga nagtumong sa pag-aresto kang Senador Ronald “Bato” dela Rosa.
Gidugang ni Cayetano nga bisan kon tinuod nga wala naghatag sa direktiba ang Presidente, posibleng laing taas nga opisyal sa gobyerno ang nagmando niini, ug iyang gihisgutan si kanhi Senador Antonio Trillanes IV nga matod pa kauban sa NBI sa unang adlaw sa planong pag-aresto.
