Nanawagan ang religious sector alang sa usa ka patas nga proseso sa impeachment trial batok kang Vice President Sara Duterte, subay sa opisyal nga baruganan sa Catholic Bishops’ Conference of the Philippines (CBCP) nga gipadayag ni Fr. Derjohn Faborada sa Archdiocese of Cagayan de Oro.
Gipasabot ni Fr. Faborada nga gikinahanglan gayud nga sundon ang proseso nga gilatid sa atong Konstitusyon aron maseguro ang integridad sa maong husay.
Dugang pa sa pari, ang maong trial usa ka mahinungdanong higayon alang sa ikaduhang labing taas nga opisyal sa nasod nga ipresentar ang iyang depensa ug pamatud-an ang iyang kamatuoran.
Busa, malaumon ang simbahan nga ang maong proseso magresulta sa pagpakita sa tinuod nga accountability ug hustisya alang sa tanan.
