Nanawagan ang Catholic Bishops’ Conference of the Philippines (CBCP) sa tanang mga dioceses sa tibuok nasud nga palig-onon ang suporta alang sa mga overseas Filipino workers (OFWs) nga naapektuhan sa nagpadayon nga gubat sa Middle East.
Sumala ni Bishop Socrates Mesiona, chairman sa CBCP Episcopal Commission on Migrants and Itinerant Peoples, importante nga mabantayan sa mga dioceses ang kahimtang sa mga pamilya sa mga OFWs ug masiguro nga sila hatagan sa pastoral care ug praktikal nga tabang.
Lakip sa mga pwedeng ihatag nga suporta mao ang spiritual accompaniment, access sa mga sakramento, counseling, ug pakig-uban sa mga charity sa simbahan ug lokal nga gobyerno.
Gihangyo usab ni Mesiona ang mga parokya nga maghimo og espesyal nga pag-ampo alang sa kalinaw sa Middle East, lakip na ang pag-apil sa intensyon sa mga misa matag Domingo ug pag-organisar og mga prayer gathering.
