CAGAYAN DE ORO CITY – Pagtubag sa hagit ni Santo Papa Francisco kon nganong napadpad dinhi sa syudad ang mga obispong Katoliko nga mohimo sa ilang ika-128 nga plenaryo-asembleya ning tuiga.
Kini human unang gisulti ni Pope Francis sa iyang mga kaparian nga angayang manggawas sila sa ilang tagsa-tagsa ka arkidiyosisis ug makig-sandurot sa dugang panon sa katawhang Kristiyanos.
Miingon si Msgr Perseus Cabunoc,vicar general sa Arkidiyosisis sa Cagayan de Oro nga wala kini damha sa mga kaparian dinhi sa syudad nga dinhi ilusad ang panagtigom sa mga obispo tinambungan sa duha ka sinaligan ni Pope Francis nga mahidangat ugmang adlawa.
Dumduman nga kasamtangang nagpaubos na sa religious retreat ang mga sakop sa Catholic Bishops Conference of the Philippines sa Transfiguracion Abbey sa Malaybalay City,Bukidnon sugod ning adlawa hangtod Hulyo 4.
