CAGAYAN DE ORO CITY-Pugngan sa Catholic Bishops Conference of the Philippines o CBCP ang pagkatag sa “satanic rosaries” sa nasud nga giingong iya sa grupong “New Agers”.
Gibutyag Cleb Calimutan, presidente sa Lay Evangelizers of Faith CdeO Chapter nga naabtan pa’g napulo ayha napadayag sa publiko ang dautang binuhatan sa pipila ka negosyante nga nagpakatag sa dautang rosaryohan.
Gibutyag ni Calimutan nga mismo si Father Ambrosio Nonato Legaspi, chief exorcist sa Novaliches diocese ang nakadiskobre sa satanic rosaries niadtong tuig 2007.
Dugtong niini,sunugon sa simbahan ang tanang mga mabawi nga satanic rosaries diin nakaabot na usab dinhi sa syudad.
