CAGAYAN DE ORO CITY – Gipasalig sa Cagayan de Oro City Police Office o COCPO nga hatagan sa igong seguridad ang ipahigayon nga ika-128th plenary assembly Catholic Bishops Conference of the Philippines o CBCP sa syudad.
Kini ang pasiunang pahayag ni COCPO spokesperson Lt Col. Evan Viñas kabahin sa dakong kalihukang pang-simbahan dinhi sa syudad.
Samtang gibutyag ni Rev.Msgr. Rey Manuel Monsanto,SSJV, konsultor sa arkidiyosis sa Cagayan de Oro nga ipahigayon sa Chali Beach conference center ang sesyon sa Hulyo 6 padulong sa petsa 8.
Saksihan ang maong sesyon nila Archbishop Paul Gallagher, ang Vatican’s Secretary for Relations with States ug representante gikan sa opisina ni Pope Francis.
Sa dili pa muaginod sa plenary session, dunay inisyal nga conference nga himoong sa Bukidnon sa Hulyo 1 hantud petsa 4 diin usa sa speaker si Gallagher.
Lakip sa agenda sa ilusad nga ika-128th plenary assembly ang pag-elect sa chairman sa Commission on Catholic Education; Sub-commission on Retired, Sick, and Elderly Priests; Sub-commission for Permanent Deacons; ug pagpili sa bag-ong chairman sa Office for the Postulation of the Causes of Saints.
Ang CBCP gilangkuban sa 83 ka aktibong obispo, 5 priest administrators ug 39 honorary members nga pulos retired bishops.
