CAGAYAN DE ORO CITY-Nagtuo si Citizen Watch for Good Governance o CWGG convenor Atty. Antonio Soriano nga alaut ang Pilipinas kung tinud-on ni Pres Rodrigo Duterte ang iyahang bahad nga paundangon niini ang Visiting Forces Agreement o VFA sa Amerika dinhi sa Pilipinas.
Gihimo ni Pres Duterte ang bahad tungod sa pag revoke sa Estados Unidos sa travel visa ni Sen. Ronald ‘Bato; Dela Rosa nga giingong maoy usa sa nagpabilanggo kang Sen. Leila De Lima nga gialegahang nalambigit sa illegal nga druga sa nasud.
Sumala ni Atty. Soriano, daghan ang tabang nga nahatag sa Amerika sa atong nasud busa magsilbi kini nga atong kawad-on.
Matud sa maong CWGG convernor nga mas maayong awhagon ang presidente nga dili pugsanong putlon ang relasyon ngadto sa Amerika tungod lamang sa usa ka amego nga may nahimo usab nga kalapasan dihang nagsilbi pa sa PNP.
