CAGAYAN DE ORO CITY –Gipanghimakak ni City Administrator Teddy Sabugaa ang mikatag nga report nga ipaubos sa enhanced community quarantine ang tibook syudad sugod karong adlawa.
Kini may kalabutan sa kumpirmasyon sa city health officials nga adunay local transmission sa Covid-19 sa syudad.
Miingon si Sabugaa nga walay kamatooran ang maong report ug gipamugos niini nga magpabilin ang implementasyon sa general community quarantine sa syudad hangtud Mayo 15 base sa kamanduan ni Pres Rodrigo Duterte.
Hisayrang may pundok nga gusto ipatuman ang ECQ apan kusganong gibalibaran ni City Mayor Oscar Moreno.
