CAGAYAN DE ORO CITY-Gihatagan sa due process apan otomatikong napapha na sa trabaho ang trabahante sa Department of Engineering and Public Works ning syudad.
Giila ang nasikop nga suspek nga si Robinson Benetiz,36 anyos,minyo ug taga-Brgy Balulang diin job order sa city engineers office sa syudad.
Gibutyag ni City administrator Teddy Sabugaa nga dili na itugot ni City Mayor Oscar Moreno nga magpabilin ang mga empleyado nga drug users hinungdan ipatangtang nila si Benitez.
Si Benitez kuyog si John Paul Bangquerigo ang nasikop samtang naggamit sa droga dihang nalusob sa kapolisan sa Brgy 1 sa syudad kagahapon sa buntag.
Giangkon ni Sabugaa nga dul-ag 10 ka empleyado na sa city hall ang nadakpan tungod sa paggamit ug pagbaligya’g gidiling droga.
