CAGAYAN DE ORO CITY-Gihagit ni Cagayan de Oro Archbishop Antonio Ledesma ang kagamhanan ingon man ang katawhang langkob niini nga ilhon ang katungod sa inahang-kinaiyahan.
Kini nunot usab sa pagsaulog sa World Environment Day ning tuiga diin nag-sentro sa paghatag sa proteksyon sa kinaiyahan ang katuyuan niini.
Gihimo ni Ledesma ang hagit dungan sa gihimo nila nga Lakad Para Sa Kalikasan ning syudad ug plano motabok sa Visayas padulong sa Malakanyang.
Miingon si Ledesma nga dili tiaw ang epekto sa pagpanimalos sa kinaiyahan kon kini abusahan sama sa mga dagkong baha nga miigo partikular dinhi sa syudad sa miaging katuigan.
