CAGAYAN DE ORO CITY-Sutaon karon sa grupo nga supak sa katukuran sa casino ang listahan sa mga aplikante nga midangop diha sa city council sa syudad.
Kini human laing ilado nga negosyante na usab ang nagpadala’g sulat-hangyo nga tugutan pagtukod sa casino dihang dapita sa Brgy Lapasan sa dakbayan.
Gibutyag ni Nestor Banuag Jr,coordinator sa social action center sa Xavier University nga nakurat sila sa impormasyon nga lamang diay ang Limketkai & Sons ang intresado sa casino sa syudad.
Samtang kumpiyansa ang simbahang Katoliko nga dili itugot ni Pres Rodrigo Duterte ang pagtukod sa casino dinhi sa syudad.
Kini bisan kon ugaling makakuha’g pag-uyon sa city council ang aplikasyon sa Limketkai & Sons alang sa maong katuyuan.
Miingon si Msgr Rey Monsanto,consultor sa simbahang Katoliko nga tinood gikasumpaki nila si Duterte sa isyu sa death penalty apan dako usab kining supak sa nagkadaiyang addiction sama sa sugal.
