CAGAYAN DE ORO CITY-Gidawat sa simbahang Katolika ang hangyo sa kapolisan nga sila tabangan sa paghaw-as sa pipila ka indibidwal nga ubos sa paggamit sa gidiling droga.
Kini nunot sa subli paglusad sa PNP sa Oplan Tokhang version 2 diin manuktok ang sa pinuy-anan sa suspected drug addicts aron hangyoon undangon na ang pagbisyo sa droga.
Si Cagayan de Oro Archbishop Antonio Ledesma miingon nga andam sila moabag sa drug addicts kon tapukon sa kapolisan sa usa ka lugar apan nungka ipauban ang mga pari sa pagsuroy-suroy sa kabalayan.
Samatang wala gikasakit sa liderato sa PNP-10 ang pagbasura sa simbahang Katolika sa ilang imbetasyon nga ubanan sila pagpahigayon sa Oplan Tokhang version 2 sa syudad.
Kini human wala masabti sa taga-simbahan ang tumong sa Tokhang diin igo lamang paghangyo sa suspected drug addicts.
Si PNP regional spokesperson Supt Lemuel Gonda miingon nga igo na kanila nga atimanon sa kaparian ang ilang makumbinsir nga drug pushers ug users aron malikay sa grabeng kadaot.
