CAGAYAN DE ORO CITY-Tukion na sa komite on games and amusement sa konseho ang hangyo sa kompanyang Limketkai & Sons diin nagtinguha pagtukod sa casino ning syudad.
Miingon si Kag George Goking nga maoy mangulo sa pagdungog si Konsehal Zaldy Ocon kinsa maoy chairman sa komitiba.
Gibutyag ni Goking nga abli ang maong komite hearing sa tanang partido aron madunggan ang mga argumento gikan sa proponent sa plano nga itukod nga casino.
Una nang moabot sa 7 ka konsehal ang nagpadayag sa ilang pag-uyon diin naglakip kang Goking.
Samtang supakon sa simbahang Katoliko ang tinguha sa pipila ka negosyante ug kagustuhan sa mayoriya sa konseho nga may tukuron nga casino dinhi sa syudad.
Kini maoy konsensus sa kaparian sa dihang miabot sa ilang atensyon ang hangyo nga adunay itukod nga casino sa dakbayan.
Miingon si Msgr Perceous Cabunoc,rector sa Sr San Agustin Metropolitan Cathedral nga kon unsa man ang baruganan kaniadto sa kanhi liderato ni Archbishop Jesus Tuquib,kini ipadayon usab ni Archbishop Antonio Ledesma.
Hisayrang may mga nahitabong pag-rally kaniadto kontra casino hinungdan nga wala molampos ang maong tinguha.
