CAGAYAN DE ORO CITY- Gikakurat sa simbahang Katoliko ang pagkasikop sa anchorman sa 103.9 FM Marian Radio-Radyo Bandera Philippines tungod sa giingong pagbaligya’g gidiling droga ning syudad.
Miingon si Msgr Elmer Abacahin,director sa social communication sa Archdiocese sa Cagayan de Oro nga dismayado sila sa pagkasikop ni Lodymer Jagos diin nakuhaa’g balor 50 gramos nga suspected shabu.
Miingon si Abacahin nga wala moagi sa incorporators ang hiring sa mga empleyado sa maong sibyahan hinungdan nga magtigom sila kabahin niini.
Si Jagos ang nasikop sa Lumbia Police Station pinaagi sa anti-drug buy bust operation sa Brgy Carmen ning syudad sa miaging gabii.
Una niini,kusganong namugos si Jagos nga nadamay lamang kini ug dili siya ang tag-iya sa unom ka sachets sa suspected shabu nga nakuha kaniya.
