CAGAYAN DE ORO CITY- Gi-diskorahe sa simbahang Katolika ang mga deboto nga mangadto pa sa nagkadaiyang religious sites aron mopaubos sa pamalandong ning semana santa.
Kini human wala malatid sa katudluang Katolika nga obligahon sa mga deboto ang ilang kaugalingon aron mohimo’g sakripisyo sama sa pagsaka o pagtabok sa religious ning syudad ug lalawigan.
Miingon si Msgr Elmer Abacahin,director sa social communication sa Archdiocese sa Cagayan de Oro nga angay buhaton sa mga deboto nga modalikyat sa mga simbahan kay may daghang nakahan-ay nga gimbuhaton ning semanaha.
Nasayran nga anaa sa dul-ag 10 ka religious sites sa rehiyon ang duawon sa mga deboto ning semana santa.
