CAGAYAN DE ORO CITY – Mo-sentro sa pamalandong sa gisinati nga pandemya sa COVID-19 ang pagdawat ni Cagayan de Oro Archbishop elect Bishop Jose Cabantan sa tahas nga gihatag kaniya ni Pope Francis.
Kini nunot sa pormal nga installation ni Cabantan isip kalima nga arsobispo sa syudad nga mohulip kang retired Cagayan de Oro Archbishop Antonio Ledesma sa San Agustin Cathedral ning adlawa.
Miingon si Cabantan nga nagdala sa dakong tanghaga kaniya kon nganong sa iyang pagkatudlo nga arsobispo anaa ang dala nga hagit sa coronavirus disease nga nakaapektar sa kinabuhi sa katawhan.
Dugtong usab niini,gibutyag sa arsobispo nga sa kanunay ang abli ang simbahan alayon sa pakigtambayayong ngadto kang City Mayor Oscar Moreno,Gov Bambi Emano ug Camiguin Gov JJ Romualdo alang sa katilingbanong mga obligasyon.
Dugtong usab niini,gipangayo ni Cabantan nga sa kanunay giyahan kini sa kahitas-an sa tanang gimbuhaton niini dinhi sa syudad ug duha ka probinsya sa rehiyon.
Gihimo ni Cabantan ang pangaliya alayon sa iyang mapaubsanon nga pagdawat sa tahas nga gihatag kaniya ni Pope Francis isip ikalima nga arsobispo sa dakbayan.
Mihangyo usab kini sa tanang lumilihok sa simbahan nga kuyugan siya sa kanunay aron mapasayon ang pagtunol sa unsa man ang angay mahatag ngadto sa katilingbanong Kristohanon.
