CAGAYAN DE ORO CITY-Nagpakabana ang simbahan ug wala maghilom kabahin sa mga tawong biktima sa anti-illegal drugs operation ubos sa Duterte administration.
Kini ang katin-awan ni Bishop elect Fr Raul Dael,SSJV batok sa pasangil nga kusog lamang ang simbahan motingog kon taga-gobyerno ang nakahimo’g salaod batok sa mga kabus nga nalambigit sa gidiling droga.
Miingon si Dael nga ang pagka-aktibo niini sa rehab programs sa alang sa drug users ang dili tungod kang Pres Rodrigo Duterte apan kini dugay nang kaakuhan sa simbahang Katolika.
Si Dael ang ordinahan na pagka-obispo diin si Cardinal Jose Tagle ang mag-ordina kaniya sa San Agustin Cathedral sa Hunyo 7 ning tuiga.
