CAGAYAN DE ORO CITY-Masubli ang lihok-protesta nga gihimo sa simbahang Katoliko kaniadtong dekada 90 kon ipugos pagtukod ang mga casino dinhi sa syudad.
Panganti kini ni Msgr Rey Monsanto,consultor sa Archdiocese sa Cagayan de Oro kon ugaling dili paminawon sa city council ang singgit sa katawhan nga dakong supak niini.
Una nang nagpadayag sa kusganong pagsupak ang simbahang Katoliko ug ubang relihiyosong pundok sa plano sa duha ka dagkong negosyante nga itukod ang casino diha sa Brgy Lapasan sa syudad sa tuig 2018.
Hisayrang sa miaging semana,mihimo’g bulgar nga pagpadayag ang simbahang Katoliko aron supakon ang katukuran sa casino sa syudad.
