CAGAYAN DE ORO CITY-Giila sa Galing Pook Foundation sa laing higayon isip national awardee ang local govt unit sa Cagayan de Oro sa kauluhan kagabii.
Kini human gisubmitar ni City Mayor Oscar Moreno ang No Vote..Ibot….No Vote entry diin nagsentro sa piso-piso lot program nga gihataga’g mga titulo aron maangkon sa mga benepesaryo niini.
Miingon si City administrator Teddy Sabugaa nga mismo si Moreno ang mi-isplikar sa maong programa diin gihataga’g kasiguruhan ang mga benepesaryo pinaag sa paghatag sa titulo ug dili kutob lamang sa pagpuyo sa yuta sa syudad.
Gikan sa 250 ka entries nga miapil sa kompetisyon,no.3 ang syudad nga gihataga’g pag-ila sa foundation sa kauluhan kagabii.
Sa miaging tuig,awardee usab ang syudad sa paghatag pagtagad sa mga biktima sa bagyong Sendong diin gihataga’g relokasyon ug panginabuhian gikan sa kawad-on epekto sa trahedya.
