CAGAYAN DE ORO CITY – Gikasubo sa Oro Chamber of Commerce sa Cagayan de Oro ang kamatayon sa dakong negosyante nga nagpadagan sa Limketkai Mall ning syudad sa taas nga panahon.
Kini human namatay tungod sa sakit si Engr Lorenzo Uy Limketkai samtang gitambalan sa ospital sa kauluhan.
Miingon si Oro Chamber public relation officer Atty Antonio Soriano nga dakong kawad-on sa Kagay-anons si Engr Limketkai ilabina sa business sector tungod sa ilang dakong kontribusyon sa kaugmaran sa syudad.
Gihaya ang patay’ng lawas ni Engr Limketkai sa usa sa mga punerarya sa syudad diin gitakdang duawon usab sa mga opisyal sa Oro Chamber.
