CAGAYAN DE ORO CITY-Nagpatabang sa Bombo Radyo ang usa ka 53 anyos nga ginang human siya giilad sa iyang giprendahan sa alahas nga nahimutang sa Valenzuala Road, Lapasan ning syudad.
Matud ni Susan Daguplo, residente sa San Juan Lapaz 2 ning syudad nga gilimbungan siya sa Palawan Pawnshop nga iyang gi-prendahan sa iyang singsing nga gama sa 21 ka karat sa tinood nga bulawan.
Una kining naprenda tuig 2012 ug iyang nalukat niadtong tuig 2015.
Gikasubo sa maong ginang ang binuhatan sa maong pawnshop ilabe na nga may sentimental value kini sa iyang pamilya.
Samtang gisupak sa pawnshop ang alegasyon ni Daguplo.Gibutyag ni pawnshop manager area manager Lesenio Cabahug nga imposbleng tuohan ang reklamante ilabina siya mismo ang nagkupot sa maong alahas tuig 2015.
Gi-kuwestion ni Cabahug kung nganong karon pa mipatim-aw ang nasampit nga ginang.
Hinoon, inay ipatugbabaw usab ang iyang kapungot, siya pa ang nagtanyag sa ginang nga ipaayo ang iyang singsing gamit ang iyang personal nga salapi.
