CAGAYAN DE ORO CITY – Kumbinsido si basketball coach Rocky Calingin sa Xavier University Sr basketball team nga maglisod ang Gilas Pilipinas batok sa team sa Italy sa 1st round sa FIBA World Cup 2019 sa China unyang gabii.
Maoy rason nga miingon si Calingin nga mas maayong dili kaayo hatagan sa grabe nga pressure ang players sa Gilas nga kinahanglang modaug gumikan sa kadagko sa ilang kontra.
Matud ni Calingin nga may abilidad Gilas sa apan dili pa kaayo hinog itandi sa team sa ubang kanasuran.
Miingon si Calingin nga dako usab ang kawad-on sa dili pagdula ni Jason Castro ning tuiga.
Hisayrang ang Italya ang nagsilbing world rank no.13 sa maong liga itandi sa Pilipinas.
