CAGAYAN DE ORO CITY- Gihagit karon ni Cagayan de Oro Archbishop Antonio Ledesma nga mga debotong Katoliko nga dili hulipan sa laing kahulugan ang rason kon nganong nagpalasang sa krus si Hesu-Kristo.
Kini alayon sa mga paghimo sa pagpamalandong ug sakripisyo pinaagi sa pagdalikyat sa mga deboto sa nagkadaiyang religious sites sugod ning adlawa.
Gidasig ni Ledesma ang tanan nga muhatag sa pagpasaylo aron ikalambo ang usa ka tawo.
Samtang gipasalig sa kapolisan ang bastante nga seguridad sa kasimbahanan ingon man diha sa bukid sa Malasag sa Brgy Cugman ug Our Lady of Guadalupe sa Brgy Tablon diin dagsaon sa libuang deboto sugod ning adlawa.
Gibutyag ni Cagayan de Oro City Police Office o COCPO spokesperson C/Insp Mardy Hortillosa II nga gipasiguro kanila ni City Police Director Sr Supt Roy Bahian ang pagpakatag sa kapin libo ka pulis ingon man pag-abag sa kasundaluhan alayon sa kasaulugan.
Giawhag usab ni Bahian nga dili magpahago ang kapolisan ilabina nga may pagsugat sa Domingo sa pagkabanhaw diin daghang deboto ang mangaligo sa kadagatan.
