CAGAYAN DE ORO CITY – Gipangandaman na sa bangkero nga bag-ong kampeon sa Bombo Bancarera 2018 Championships Mindanao Circuit -4th leg sa ang pagsalmot sa laing lumba sa bangkang de motor sa General Santos City sa Setyembre ning tuiga.
Kini human gipildi sa boat rider nga si PJ Bermudo, 24 anyos,ulitawo nga taga-Tangub City sa Misamis Occidental ang laing mga bangkero nga naggikan sa ubang bahin sa Mindanao sa Jesper Beach,Brgy Bonbon ning syudad kagahapong adlawa.
Miingon si Bermudo nga wala siya magdahom nga magkampeon tungod kay dili mga ordinaryo nga boat riders ang gikalumba niini.
Si Bermudo ang midawat sa P20-mil cash plus brand new nga makina samtang 1st prize winner si Cagay-anon rider Marvin Roldan nga midawat sa 10-mil pesos cash ug Bembadz Atab isip 2nd placer diin nakuha niya ang 5-mil ug tagsa-tagsa ka makina.
Si Bermudo,Roldan ug Atab ang kabahin lamang sa 10 ka boat riders nga unang gisaksihan sa libuang katawhan ang mo-qualify sa championship match sa General Santos City sa Setyembre 5 ning tuiga.
Samtang giangkon nila ni City Councilor Jay Roa Pascual ug Kag George Goking nga nalingaw sila pag-ayo nga misaksi sa libreng sundayag sa Bombo Radyo pinaagi sa Brgy Bonbon sa syudad.
Kini human mibati’g kakulba si Goking samtang gisaksihan ang paglumba sa mga bangkang de motor sa Jesper Beach diin mihatag dugang ka bibo sa kapistahan ni Sr San Agustin ning syudad kagahapong adlawa.
Una usab niini,nalipay usab si Pascual nga sa daghan sa boat riders,nagsilbing no.2 ang Cagayan de Oro alayon sa Bombo Bancarera ning tuiga.
