CAGAYAN DE ORO CITY – Masaligon ang Cagayan de Oro Boxing Stable nga makalinggawasan sa Pinoy boxing champion Albert Pagara ang pagsulay nga miabot sa iyang kinabuhi ning panahona.
Kini human mibati’g kaunogon si City Mayor Oscar Moreno sa boxing career ni Pagara tungod sa gilambigitan niini nga suliran samtang nanimuyo nga pamilyado didto sa Cebu City.
Maoy gipasabot sa mayor ang pagkasikop sa boksidor kay gipasanginlan nga nanghimakak sa pribadong parti sa lawas sa 14 anyos nga babaye kinsa igsoon usab sa gikaipon niini.
Miingon si Moreno kinsa dunay igong panahon si Albert sa pag-depensa sa iyang kauglingon kon ugaling mokaabot sa korte ang kasong kriminal nga ipasaka sa ginikanan sa nagsilbing bitktima.
Si Albert kinsa nahimugso sa Maasin,Leyte Province ug igsoon sa laing boxing champion nga si Jason Pagara ang pulos kanhi ubos sa boxing stable kaniadto sa Misamis Oriental ubos sa programa ni Moreno sa kini gobernador pa ayha sila nasulod sa ALA Boxing isip mga professional boxers.
Ang 27 anyos nga si Albert ang dunay boxing record nga 33 ka daug,23 knockouts ug usa lamang ang pildi.
