CAGAYAN DE ORO CITY- Masub-anon karon ang katawhan ingon man ang naglangkob sa konseho sa Brgy Lapasan ning syudad.
Kini human mipanaw na sa laing kalibutan ang usa sa mga konsehal sa maong barangay nga si Roberto ”Bebot” Poquita.
Si Poquita ang nagsilbing committee chairman sa peace and order sa konseho sa maong barangay sa panahon nga kini buhi pa.
Una nang nakasinati sa pagka-stroke si Poquita ug wala sa damha paspas nga nagmahuyang ang iyang panglawas hangtod nga gipahibalo sa ilang pamilya nga hingpit na kining mipanaw sa laing kalibutan kagabii.
Hisayrang ang pamilyang Poquita ang usa sa mga solid nga tigpaminaw sa Bombo Radyo sukad sa pagsugod pagsibya niini niadtong tuig 1991 ug hangtod ning mga panahona.
