CAGAYAN DE ORO CITY-Gikompirmar karon sa Cagayan de Oro City Health Office nga 3 ka tawo na ang patay tungod sa natakbuyan sa sakit nga leptospirosis sa Cagayan de Oro City.
Kini human maigo sa lapad nga pagbaha sa libuang katawhan sa dihang miigo ang pag-ulan sa dakong bahin sa syudad sa Enero 16,2017.
Sa paghinabi sa Bombo Radyo,gibutyag ni City Health Office head Dr Fe Bongcas nga kabahin sa namatay ang usa ka pinili sa brgy ug laing duha ka sibilyan sa syudad.
Miingon si Bongcas nga anaa usab sa 22 ka residente ang nadala sa ospital tungod kay sila suspected liptospirosis carriers.
Apan giklaro ni Bongcas nga gihulat pa nila ang opisyal nga resulta sa medical bulletin sa mga pasyante gikan sa Research Institute for Tropical Medicine o RITM.
Una nang naghatag ang Department of Health (DoH-10) sa doxycycline sa tanang barangay health centers aron libre nga makakuha ang mga residente nga mitampisaw sa tubig-baha sa Amihang Mindanao niadtogn Enero 16 ug 28,2017.
Hisayrang napaubos sa state of calamity ang Cagayan de Oro City tungod sa 40 porsiento nga pag-igo sa kabarangayan diin 4 ka tawo ang patay samtang kapi’g 4-mil ka pamilya ang apektado.
