CAGAYAN DE ORO CITY-Gibulgar karon sa pipila ka miembro sa konseho nga giingong nalambigit sa pipila ka anomaliya ang liderato ni Canitaon Brgy Kap Jonathan Tabolcoan ning syudad.
Kini human akusahi ni Canitoan Brgy Kag Jonathan Gayla nga nagpalit si Taboclaon sa usa ka backhoe balor dul-ag 2 milyon pesos nga wala moagi sa bidding.
Giakusar pa ni Gayla nga sukad napalit ang ekipo ang wala kini sukad magamit sa brgy kay gilayong naguba na.
Samtang miagi sa ensaktong proseso ug napuslan sa katawhan ang napalit nga backhoe diha sa Brgy Canitoan ning syudad.
Kini ang pagpangugat ni Taboclaon batok sa pasangil ni Kag Jonathan Gayla kabahin sa maong transaction.Miingon si Tabocloan nga igo na lamang pagpirma ang nahimo niini sa maong proyekto kay giagi man kini sa pagtoon sa Bids and Awards Committee o BAC sa brgy.
Gihimakak usab ni Taboclaon ang ubang mga pasangil nga gibato pa ni Gayla batok kaniya.
