CAGAYAN DE ORO CITY-Gikumpirmar ni Lumbia Police Station commander Sr/Insp Dennis Ebsolo nga anaa sa listahan sa Kampo Crame isip high value target sa pagpamaligya’g ilegal nga droga ang brgy kagawad nga ilang nadakpan diha sa Montana Vista Subd,Grand Europa,Brgy Lumbia ning syudad.
Matud ni Ebsolo nga daghang unit sa kapulisan ang nagtinguha nga
modakop kang San Simon Brgy Kagawad Jaylord Cabulay. Hisayran nga nasikop sa mga pulis ang target nga si Marc Jim Decena .
Akto usab nasapon sulod sa suspected drug den si John Marsigan hinungdan nga sila pulos gidakop.
Nakuha gikan sa mga suspek ang 10 gramos nga shabu diin nagbalor P70-mil nga street value.
Gipanganti ni Ebsolo nga daghan pang trabahante sa gobyerno ang ilang madakpan nga gapuyuhot sa ilegal nga droga.
Kini kun ugaling dili sila mohunong sa illegal nga binuhatan.
Si Ebsolo miingon nga hugot nga gimando ni City Police Director Sr/Supt. Roy Bahian nga maoy himoong prayoridad sa ilang operasyon ang pagsikop sa mga gov’t employee nga nalambigit sa pagbaligya ug paggamit sa ilegal nga droga.
