CAGAYAN DE ORO CITY-Gimando karon ni City Mayor Oscar Moreno pinaagi sa city administrator’s office ang tanang brgy kapitan nga i-surrender ang mga armas nga nahatag kanila gikan sa kagamhanan sa syudad.
Kini human masuta nga namalit ang kanhi administrasyon sa 9mm pistol ug .45 calibers aron ipanghatag sa brgy kapitanes sa dakbayan.
Miingon si City administrator Teddy Sabugaa nga sa 80 ka kapitanes,walo pa lamang kanila ang boluntaryo nga nag-uli sa maong mga armas.
Kini ang hinungdan nag-apelar si Sabugaa sa 72 ka brgy kapitanes nga ibalik ang mga armas aron dili sila magkakaso sa korte.
