CAGAYAN DE ORO CITY-Manumpa na sa dili madugay ang bag-ong gideklarar nga mananaug nga sangguniang kabataan o SK chairman diha sa Brgy Indahag sa dakbayan.
Kini human gi-diskuwalipikar sa Commission on Elections o Comelec -Manila ang kandidato nga si Agustine Laron tungod sa isyu sa ‘overage’ o pagsobra sa age qualification sa miaging brgy ug SK elections sa Mayo ning tuiga.
Miingon si City Election Officer Atty Ramil Acol nga maoy giila isip bag-ong SK chairman si Lowen Pantaleon nga mangulo sa kabatan-unan sa Brgy Indahag ning dakbayan.
Si Laron ang nakakuha’g total votes nga 636 batok Pantaleon nga anaa lamang sa 389 sa miaging brgy ug SK elections ning tuiga.
