CAGAYAN DE ORO CITY – Gitahasan sa DILG -Cagayan de Oro ang 80 ka barangay kapitanes nga magporma sa kaugalingong task force on illegal firecrakers nunot sa pagsaulog sa pasko ugma sa tungang gabii.
Kini sa pagsiguro nga mag-una sa paghatag proteksyon ang kabarangayan sa ilang katawhan nga hayan mabiktima sa nagkadaiyang illegal nga pabuto.
Gihimo ni DILG City Director Edward Bhagwani ang pasidaan kay dakong peligro ang dala sa bisan unsa nga klase sa mga pabuto.
Siya miingon nga pinaagi sa kaugalingong task force sa kabarangayan, matabangan ang gobiernong nasudnon nga nag-atubang sa seryosong suliran pagsumpo sa illegal nga pabuto.
Hisayrang nagsugod na’g baligya sa mga ubos sa regulasyones nga pabuto ang pipila ka negosyante ngadto sa mga tawo nga mahilig niini pag-abot sa pasko ug bag-ong tuig.
